Dədə Qorqud Milli Fondu - Azərbaycan Dünyası jurnalı

`Azərbaycan Tarixi `kitabının təqdimatı keçirildi

248 Baxış sayı / 08-10-2017 00:09

Bu gün Görkəmli rəssam Sakit Məmmədovun ev muzeyində Fəlsəfə Elmlər doktoru,hüquqşünas Rəşid Rzayevin işıq üzü görən "Azərbaycan Tarixi "kitabının təqdimatı keçirildi. Numizmatik materiallar əsasında ərsəyə gələn bu kitab əsasən dərslik vəsaiti üçün hazırlanıb. Kitabda azərbaycan tarixinə aid müxtəlif dövrlərdə istifadə olunan qədim pul növləri ilə tanış olmaq olar. Kitabın əsas mahiyyəti pullarla bağlı qaranlıq qalan bir çox məqamları aşkara çıxarmaqdır.

Təqdimatda bir çox mühüm qonaqlar iştirak edirdilər. Qonaqlar arasında "Azərbaycan Dünyası" beynəlxalq jurnalının baş redaktoru və "Dədə Qorqud" Fondunun prezidenti Eldar İsmayılov, professor-əməkdar incəsənət xadimi Arif Əziz, hüquqşünas İsmayıl Kazımov, rəssam Sakit Məmmədov və bir çox ictimai xadimlər var idi. Təqdimatı açıq elan edən Eldar İsmyılov bildirdi ki, "Azərbaycan Tarix"i kitabına bugünkü gənc nəslin çox ehtiyacı var və bu kitab gələcək nəsillər üçün də qorunub saxlanmalıdır. Həmçinin onu da vurğuladı ki, Rəşid Rzayev kimi dəyərli şəxsiyyətlərə sağlığında qiymət verilməlidir. Çünki bu cür insanlara bizim çox ehtiyacımız var. Cəmiyyətimizin və xalqımızin şəxsiyyətli övladları yaşamalı və yaşatmalıdırlar. Sonda Eldar İsmayılov Rəşid Rzayevə "Dədə Qorqud" fondunun təsis etdiyi "Vətən Övlad"ı ordenini təqdim etdi.

 



Bizə necə gələ bilərsiniz ?

Dədə Qorqud Milli Fondu - Azərbaycan Dünyası jurnalı

Əlaqə telefonu: (050) 364-46-01 / Elektron poçt: azeldar@mail.ru