Vətənə, Xalqa, Dövlətə, Dövlətçiliyə hörmət və məhəbbətlə xidmət yolu keçən, fəaliyyətlərinin yeni səhifəsində Azərbaycan Respublikasının sərhədlərinin bərpası, torpaqların mənfur düşmən tapdağından təmizlənməsi, yeni tarixin yazılmasında  imzası olan Vətən övladlarına mənəvi dəstək olmaq əsas qayəmizdir!

Fond tərəfindən  ilk olaraq Milli qəhrəman Mübariz İbrahimovun anası  Şamama xanım “Mehriban Ana” Ordeni ilə təltif olunmuşdur. Azərbaycanın Milli Qəhrəmanı Albert Aqarunov “Vətən Övladı” Ordeni ilə təltif edilmiş, Orden ailəsinə təqdim olunmuşdir.

Azərbaycanın bütün rayonlarından və dünyanın hər bir yerində yaşayan  həmvətənlərimizin içərisində könüllü olaraq Vətən müharibəsində  möhtəşəm Qələbənin qazanılmasında  imzası olan  oğullarımız vardır. ”Dədə Qorqud” Milli Fondunun rəhbəri, “Azərbaycan Dünyası”  və ”Veteranın  Səsi” Jurnalarının  Baş redakoru Eldar İsmayılovun rəhbərliyi ilə əməkdaşlar Esmiralda Mehdiyeva , Nərgiz Namiq qızı, Azər Ağarzayev, Seyidağa İsmayılov, Mais Hüseynov Şabran rayonunda  Şəhid ailələrini və Qaziləri ziyarət etmişlər. Im Vətən müharibəsində iştirak edən min  nəfərdən çox gənc könüllülər içərisindən 121 şəhid və xeyli sayda qazi var Şabranda. Biz Qələbəyə yolu addımlayarkən igid, mərd oğullarımızı şəhid verdik. Kimlərsə bu yolda canını, kimlərsə sağlamlığını, kimlərsə əzizlərini və doğmalarını itirdi. Eyni zamanda bütün Azərbaycan xalqı birlik olaraq əlindən gələni əsirgəmədi. Azərbaycandan kənarda yaşayan həmvətənlərimizin də ölkəmizə böyük dəstəyinin şahidi olduq. 

   Mehman Ağarzayev- adını qürur hissi ilə çəkə biləcəyimiz soydaşımız və xeyirxah əməlləri ilə zəngin insan. Əslən Şabran rayonundan olan bu insan Azərbaycandan kənarda yaşasa ürəyi Vətən sevgisi ilə döyünür. O, II Vətən Müharibəsi zamanı 3 şəhid övladını himayəsinə götürmüş, 28 Şəhid ailəsinə isə maddi dəstək göstərmişdir. Mehman Ağarzayev şəhid ailələrinə dəstək göstərən ilk soydaşlarımızdan biridir. 

  Şəhid ailələri ilə görüşlər zamanı Ali Baş Komandan cənab İlham Əliyev tərıfindən Şəhid və Qazilərimizə  xüsusi diqqət və qayğı göstərilməsinin vacibliyi vurğulanmışdır. Görüşlərdə Dədə Qorqud Fondunun rəhbəri Eldar İsmayılov tərəfindən Şəhidlərin  valideynlərinə  Ordenlər təqdim olunmuşdur.

-Şəhid  İlyasov Şükür Qəmbər oğlu. -“Şəhidin anası Zeynəb xanıma “MEHRİBAN ANA”Ordeni;

-Şəhid Ağaquliyev İlkin Saməddin oğlu.  Ailənin uzun illər övlad həsrətindən sonra  ilk və tək övladı.  Şəhidin atası  Ağaquliyev Saməddin müəllimə. “Ədalətin Qılıncı”Ordeni;

-Şəhid Orucov Ürfan Firdovsi oğlu. İdman Akademiyasının məzunu, İngilis, İspan dillərini bilirdi.  Şəhidin  anası -Orucova Şərqiyyə xanıma”MEHRİBAN ANA” Ordeni;

-Şəhid Həsənov Xəyal Əliyulla oğlu . Xüsusi təyinatlı olmuşdur. Şəhidin  anası Həsənova Zərnişan xanıma “MEHRİBAN ANA” Ordeni;

-Şəhid Balağayev Seyfəddin Vahid oğlu. 22 yaş. Sumqayıt Dövlət Universitetinin məzunu. Şəhidin anası  Balağayeva  Bəsxanım xanıma “ MEHRİBAN ANA” Ordeni;

-Şəhid Ağayev Əmirağa Mahir oğlu. (18 yaş) 2 bacının 1 qardaşı..  Şəhidin atası Ağayev Mahir müəllimə “Ədalətin Qılıncı” Ordeni təqdim olunmuşdur.

Görüş zamanı şəhid Ağayev Əmirağanın atası Mahir kişi öz öğlunun  nəşini tapmaq üçün apardığı axtarış zamanı aşkar etdiyi düşmən əsgərlərinin nəşini onların vadeynlərinə təhvil verdiyini söylədi. Nə üçün  bunu etdiniz, axı onlar sizin övladınızı öldürmüşlər sualına ?:- Onlar düşmən olsalar da  onlar da valideyndirlər bu acını yaşayır deyir Şəhid Atası!!! Budur Azərbaycan İnsanın mənəviyyatı! 

Mənfur düşmənsə  bütün çirkin  xislətini, xarakterini bəşəriyyətə özü subut etdi...

Hər kəsin yolunu müəyyən edən Allah, bu yolda ona kömək də göndərir. Rastına çıxan xeyirhaqq xislətli insanlar sənin mükafatındır. Vətən müharibəsində  ömrünü, sağlamlığını xalqına, Dövlətinə,  dövlətçiliyin möhkəmləndirilməsinə  həsr etmiş,  böyük  zəhmətlər bahasına əldə olunan uğurlara imza atmış oğulların  ömür yolu gənclər üçün öyrənilməli nümünədir.Yarım qalmış arzular, ümidləri ilə birgə zirvələrə ucalmış vətənlərini, sevdiklərini qorumağı özünə borc bilən həyat dolu oğul balalarımız. Onların valideynləri ilə görüş şərəfli  olduğu qədər də ağırdır.   Valideylərin  gözündə qürur və kədər biri birinə çuğlaşıb. Qürur  onları ucadan uca edən Vətən məhəbbəti, kədər bala həsrəti. Qarabağın azad olunmasında şəhid olmuş Vətən oğulları , Qazilər cəmiyyətin  həssas üzvü olmaqla diqqət, qayğı, hörmət və ehtirama layiqdirlər. Gərəkdir onların səsi vaxtında eşidilsin, problemləri dərhal həll olunsun. Buna gücümüz yetər! Dünyamızı qorumaq, İnsanığın qorunması üçün bir olaq, birləşək!!!

Esmiralda Mehdiyeva, 

Azərbaycan Jurnalistlər Birliyinin üzvü